Rapid COVID-19 Antigen Test

Book online at www.testcovid.is

The test site is located at the BSÍ Bus Terminal in Reykjavík.

Upplýsingar fyrir sýnatöku

Fyrir eftirfarandi blóðrannsóknir þarf að vera fastandi í a.m.k. 8 klst: Insúlín, glúkósi, sykurþolspróf og laktósapróf.

Mótefnamæling eftir COVID-19 bólusetningu

Hjá Sameind er nú hægt að láta mæla magn verndandi mótefna sem myndast eftir COVID-19 bólusetningu.

Mótefnamæling til staðfestingar á COVID-19 sýkingu.

Til að staðfesta Covid-19 sýkingu, sem er afstaðin, eru mæld mótefni gegn svokölluðu kjarnapróteini veirunnar (N).

Uppruni Sameindar

Sameind á uppruna sinn að rekja til stofnunar St. Jósefsspítala á Landakoti, en sá spítali tók til starfa árið 1902 og var eina kennslusjúkrahús læknaskólans fram til ársins 1930. Spítalinn var byggður á vegum St. Jósefssystra, sem komu til Íslands árið 1896 til að sinna sjúkum. Spítalinn var reistur af dönskum smiðum fyrir erlent sjálfsaflafé reglusystra auk söfnunarfjár sem Jón Sveinsson (Nonni) hafði aflað. Rannsóknarstofa var við spítalann frá upphafi og var hún ætíð rekin sem sjálfstæð eining. St. Jósefsspítali á Landakoti var í forystu með ýmsar nýjungar og var löngum þekktur fyrir einstaka umönnun, afbragðslækna og fyrirmyndarrekstur. Fyrst um sinn var spítalinn ekki rekinn sem hluti af hinu opinbera kerfi, en árið 1976 keypti íslenska ríkið spítalann af St. Jósefssystrum og sameinaði hann síðar við Borgarspítalann. Við þann samruna flutti rannsóknarstofa St. Jósefsspítala í Álfheima 74 undir nafninu Rannsóknarstofan Glæsibæ. Nokkrum árum seinna sameinuðust svo Rannsóknarstofan Glæsibæ og Rannsóknarstofan Domus Medica og fékk sameinuð rannsóknarstofa þá nafnið Sameind.